ꦩꦲꦂꦒꦾꦫꦶꦪꦢꦶ

꧃ꦩꦲꦂꦒꦾꦫꦶꦪꦢꦶ꧅

꧁ꦲꦱ꧀ꦩꦫꦤ꧀ꦢꦤ꧂
Asmåråndånå

꧃꧋ꦱꦸꦒꦼꦁꦩꦲꦂꦒꦾꦫꦶꦪꦢꦶ

ꦥꦿꦶꦧꦣꦶꦏꦸꦭꦔ꧀ꦭꦼꦁꦒꦤ

ꦪꦺꦤ꧀ꦠꦏꦛꦃꦲꦶꦁꦊꦥꦠꦺ

ꦢꦶꦲꦒꦸꦁꦥꦫꦶꦁꦲꦏ꧀ꦰꦩ

ꦱꦥꦧꦲꦺꦠꦤ꧀ꦨꦺꦢ

ꦠꦏ꧀ꦰꦸꦮꦸꦤ꧀ꦭꦼꦒꦲꦶꦁꦏꦭ꧀ꦨꦸ

ꦲꦠꦸꦂꦏꦸꦭꦩꦸꦁꦥꦿꦱꦗ꧉

Sugeng mahargyå riyådi, 
Pribadhi kulå nglênggånå/
Yen tå kathah ing lêpaté/
Diagung paring haksåmå/
Såpå baé tan bédå/
Tak suwun lêgå ing kalbu/
Atur kulå mung prasåjå.

꧋ꦩꦸꦒꦾꦏꦶꦠꦱꦒꦼꦢ꧀ꦨꦭꦶ

ꦉꦱꦶꦏ꧀ꦰꦏꦶꦁꦗꦶꦮꦲꦶꦤ

ꦱꦼꦠꦸꦁꦒꦭ꧀ꦕꦤ꧀ꦢꦿꦭꦮꦱ꧀ꦰꦺ

ꦫꦩꦢ꦳ꦺꦴꦤ꧀ꦢꦢꦶꦱꦫꦤ

ꦥꦔꦿꦸꦮꦠ꧀ꦠꦺꦲꦁꦏꦫ

ꦩꦸꦒꦏꦧꦺꦃꦧꦶꦱꦊꦧꦸꦂ

ꦱꦩ꧀ꦥꦸꦂꦤꦲꦶꦁꦲꦫꦶꦪꦪ꧉

Mugya kita saged bali/ 
Resik saking jiwa ina/
Setunggal candra lawase/
Romadhon dadi sarana/
Pangruwate angkara/
Muga kabeh bisa lebur/
Sampurna ing ari raya.

꧋ꦫꦶꦪꦪꦫꦶꦪꦢꦶꦤꦶꦏꦶ

ꦩꦸꦒꦾꦢꦢꦺꦴꦱ꧀ꦰꦱꦫꦤ

ꦩꦔꦸꦤ꧀ꦨꦿꦪꦤ꧀ꦮꦂꦒꦤꦺ

ꦠꦤ꧀ꦰꦃꦲꦏꦸꦂꦩꦿꦶꦁꦱꦱꦩ

ꦠꦼꦧꦶꦃꦭꦏꦸꦢꦏ꧀ꦰꦶꦪ

ꦩꦂꦱꦸꦢꦶꦗꦶꦮꦏꦁꦭꦸꦲꦸꦂ

ꦒꦼꦱꦁꦩꦁꦒꦶꦃꦧꦒꦾꦩꦸꦭ꧀ꦪ꧉

Riaya riyadi niki/
Mugya dadosa sarana/
Mangun bebrayan wargane/
Tansah akur mring sasama/
Tebih laku daksiya/
Marsudi jiwa kang luhur/
Gesang manggih bagya mulya/

꧅꧋ꦩꦁꦒꦱ꧀ꦩꦾꦲꦱꦼꦱꦤ꧀ꦠꦶ

ꦩꦸꦒꦾꦒꦸꦱ꧀ꦠꦶꦱꦶꦃꦤꦸꦒꦿꦲ

ꦲꦪꦼꦩ꧀ꦠꦼꦤ꧀ꦠꦿꦼꦩ꧀ꦰꦏꦧꦺꦃꦲꦺ

ꦱꦤꦏ꧀ꦏꦢꦁꦥꦮꦺꦴꦁꦩꦶꦠꦿ

ꦩꦁꦒꦶꦃꦲꦪꦸꦤꦶꦂꦫꦸꦧꦺꦢ

ꦒꦸꦪꦸꦥ꧀ꦫꦸꦏꦸꦤ꧀ꦏꦁꦱꦠꦸꦲꦸ

ꦢꦢꦶꦥꦶꦏꦸꦮꦠ꧀ꦠꦶꦁꦧꦁꦱ꧉

Mangga samya asesanti/
Mugya Gusti sih nugraha/
Ayem tentrem sakabehe/
Sanak kadang pawong mitra/
Manggih hayu nir baya/
Guyup rukun kang satuhu/
Dadi pikuwating bangsa.

Dlingo, 12 Juni 2018

ꦒꦸꦫꦶꦠ꧀ꦭꦸꦔꦶꦠ꧀

Tinggalkan Balasan

Alamat email Anda tidak akan dipublikasikan. Ruas yang wajib ditandai *